NEEMIE (11)

Letôr: Marinella Bel

Ripopolament di Gjerusalem e espansion gjudaiche in Palestine

111I sorestants dal popul si son stabilîts in Gjerusalem; il rest dal popul al à tirât a bruscjete par fânt vignî fûr un ogni dîs a vivi in Gjerusalem, la citât sante; chei altris nûf a jerin libars di restâ ta chês altris citâts. 2Il popul al benedì chei che si jerin proferîts di lâ a vivi in Gjerusalem. 3Ve i sorestants de provincie che si son stabilîts in Gjerusalem, biel che tes citâts di Gjude ognidun si è sistemât intal so toc, te sô citât: israelits, predis, levits, oblâts e dissendents dai fameis di Salomon.

4A Gjerusalem si son stabilîts i fîs di Gjude e i fîs di Beniamin.

Dai fîs di Gjude: Ataie, fi di Uzie, fi di Zacarie, fi di Amarie, fi di Sefatie, fi di Macalaleel, dai fîs di Perez; 5Maaseie fi di Baruc, fi di Col-Coze, fi di Cazaie, fi di Adaie, fi di Joiarib, fi di Zacarie, fi di un di Silo. 6Ducj i fîs di Perez che si son stabilîts in Gjerusalem a jerin cuatricent e sessantevot, e ducj oms di valôr.

7Chescj a son i fîs di Beniamin: Salu, fi di Mesulam, fi di Joed, fi di Pedaie, fi di Kolaie, fi di Maaseie, fi di Itiel, fi di Isaie; 8daûr di lui, Gabai, Salai: in dut, nûfcent e vincjevot. 9Gjoel fi di Zicrì al jere il lôr sorestant e Gjude fi di Assenue al jere secont sorestant de citât.

10Dai predis: Jedaie, Joiarib, Jachin, 11Seraie fi di Chelkie, fi Mesulam, fi di Zadok, fi di Meraiot, fi di Achitub, sorestant dal templi, 12i lôr fradis ch’a fasevin lis voris dal templi: in votcent e vincjedoi; Adaie fi di Jerocam, fi di Pelalie, fi di Amsi, fi di Zacarie, fi di Pascur, fi di Malchie, 13e i siei fradis, sorestants des fameis: in numar di dusinte e corantedoi; Amasai fi di Azareel, fi di Aczai, fi di Melisemot, fi di Imer, 14e i lôr fradis, oms di valôr: in numar di cent e vincjevot; Zabdiel fi di Ghedolim al jere il lôr sorestant.

15Dai levits: Semaie fi di Casub, fi di Azrikam, fi di Casabià, fi di Buni; 16Sabetai e Jozabad, sorestant dal servizi di fûr dal templi, fra i sorestants dai levits; 17Matanie fi di Miche, fi di Zabdi, fi di Asaf, prin cantôr, ch’al dave sù i cjants intant de preiere; Bakbukie ch’al jere il secont fra ducj i siei fradis; Abde fi di Samue, fi di Galal, fi di Jeditun. 18I levits te citât sante a jerin in dut dusinte e otantecuatri.

19I puartonîrs: Akub, Talmon e i lôr fradis, vuardeans des puartis: cent e setantedoi.

20Il rest di Israel, dai predis e dai levits si è sistemât in dutis lis citâts di Gjude, ognidun intal so toc.

21I oblâts si son sistemâts sul Ofel e Ziche e Ghispe a jerin sorestants dai oblâts. 22Il sorestant dai levits a Gjerusalem al jere Uzi fi di Bani, fi di Casabià, fi di Matanie, fi di Miche, dai fîs di Asaf, ch’a jerin i cantôrs pal servizi de cjase dal templi; 23par vie ch’al jere un befel dal re a rivuart dai cantôrs e ur jere stât sigurât un tant ogni dì.

24Petachie fi di Mesezabeel, dai fîs di Zerac, fi di Gjude, al faseve impen dal re par dutis lis cuistions dal popul.

25Rivuart ai borcs cu lis lôr campagnis, un pôcs dai fîs di Gjude si son sistemâts in Kiriat-Arbe cu lis sôs tignudis, in Dibon e tai siei borcs, in Jekabseel e tai siei borcs, 26in Jesuà, in Molade, in Bet-Pelet, 27in Cazar-Sual, in Bersabee e tai siei borcs, 28in Ziklag, in Mecone e tai siei borcs, 29in En-Rimon, in Zoree, in Jarmut, 30in Zanoac, in Adulam e tai siei borcs, in Lachis e tai siei borcs, in Azeke e tai siei borcs. Si son sistemâts in Bersabee infinamai te concje di Inom. 31I fîs di Beniamin si son sistemâts a Ghebe, a Micmas, a Ai, a Betel e tes lôr tignudis; 32a Anatot, a Nob, a Ananie, 33a Cazor, a Rame, a Ghitaim, 34a Cadid, a Zeboim, a Nebalat, 35e a Lod e a Ono, te concje dai Artesans. 36Dai levits une part si è sistemade cun Gjude e une part cun Beniamin.