1 CRONACHIS (24;25)

Letôr: Maurizio Gazziero

Lis classis dai predis

241Ancje i fîs di Aron a vevin lis lôr classis. Fîs di Aron: Nadab, Abiu, Ebiatar, Eleazar e Itamar. 2Nadab e Abiu a muririn prin dal pari e no lassarin dissendents. A faserin di predis Eleazar e Itamar.

3David, insieme cun Zadok dai fîs di Eleazar e cun Achimelec dai fîs di Itamar, ju spartì in classis seont il servizi ch’a vevin di fâ. 4Stant ch’al saltâ fûr che i fîs di Eleazar a vevin un numar di oms plui grant che no i fîs di Itamar, ju spartirin cussì: sedis sorestants di fameis pai fîs di Eleazar e vot pai fîs di Itamar. 5Ju dividerin tirant a bruscjete, tant chei che chei, parcè che and jere prins dal santuari e prins di Diu tant tra i fîs di Eleazar che tra i fîs di Itamar. 6Il scriturist Semaie fi di Netaneel, dai fîs di Levi, al fasè la liste presince dal re, dai sorestants, dal predi Zadok, di Achimelec fi di Ebiatar, dai sorestants des fameis dai predis e dai levits; si tirarin a bruscjete dôs fameis par Eleazar e une par Itamar.

7La prime bruscjete i tocjà a Joarib, la seconde a Jedaià, 8la tierce a Carim, la cuarte a Seorim, 9la cuinte a Malchie, la seste a Miamin, 10la setime a Akoz, l’otave a Abie, 11la none a Gjosuè, la decime a Secanie, 12l’undicesime a Eliasib, la dodicesime a Jakim, 13la tredicesime a Cupe, la cutuardicesime a Is-Baal, 14la cuindicesime a Bilghe, la sedicesime a Imer, 15la disesietesime a Chezir, la disevotesime a Apizes, 16la disenuvesime a Petachie, la vincjesime a Ezechiel, 17la vincjunesime a Jachin, la vincjedoiesime a Gamul, 18la vincjetreesime a Delaie, la vincjecuatresime a Maazie. 19Chestis a jerin lis voltis pal lôr servizi; a jentravin tal templi in volte, seont la regule metude jù dal lôr von Aron, come che i veve ordenât il Signôr, Diu di Israel.

20Par chel ch’al rivuarde chei altris fîs di Levi, pai fîs di Amram al jere Subael, pai fîs di Subael Jecdie. 21A rivuart di Recabie, il sorestant dai fîs di Recabie al jere Issie. 22Pai isearits, Selomot; pai fîs di Selomot, Jacat. 23Fîs di Ebron: Jerie il prin, Amarie il secont, Jacaziel il tierç, Jekameam il cuart. 24Fîs di Uziel: Miche; pai fîs di Miche: Samir; 25fradi di Miche al jere Issie; pai fîs di Issie, Zacarie. 26Fîs di Merari: Macli e Musi; pai fîs di Jaazie, so fi. 27Fîs di Merari te linie di Jaazie so fi: Soam, Zacarie e Ibri. 28Par Macli: Eleazar, che nol à vût fîs. 29Par Kis, i fîs di Kis: Jeracmel. 30Fîs di Musi: Macli, Eder e Jerimot. Chescj a son i fîs dai levits seont lis lôr fameis. 31Ancje lôr, come i lôr fradis fîs di Aron, a forin tirâts a bruscjete presince dal re David, di Zadok, di Achimelec, des fameis dai predis e dai levits; la famee dal prin fi compagne di chê dal fradi plui piçul.

Lis classis dai cantôrs

251David, insieme cui sorestants dal esercit, al metè di bande pes funzions i fîs di Asaf, di Eman e di Idutun, ch’a sunavin la musiche tes funzions cun citaris, cun arpis e cun covertoriis. Il numar dai oms ch’a vevin cheste incariche al jere chest:

2Pai fîs di Asaf: Zacur, Josef, Natanie, Asareele; i fîs di Asaf a jerin sot il comant di Asaf, ch’al sunave seont i ordins dal re. 3Par Idutun i fîs di Idutun: Ghedalie, Seri, Isaie, Casabià, Simei, Matatie: sîs sot il comant di lôr pari Idutun, ch’al cjantave cu lis citaris par dai glorie e par laudâ il Signôr.

4Par Eman i fîs di Eman: Bukie, Matanie, Uziel, Sebuel, Jerimot, Ananie, Anani, Eliate, Ghidalti, Romamti-Ezer, Josbekase, Maloti, Cotir, Macaziot. 5A jerin ducj fîs di Eman, profete di David in merit a lis peraulis di Diu; par alçâ la sô potence Diu i veve dât a Eman cutuardis fîs e trê fiis. 6Ducj chescj, sot il comant dal pari, ven a stâi di Asaf, di Idutun e di Eman, a cjantavin tal templi cun covertoriis, cun arpis e cun citaris, pal servizi dal templi, ai ordins dal re. 7Il lôr numar, contant ancje i lôr fradis esperts tal cjant dal Signôr, passâts ducj mestris, al jere di dusinte e otantevot. 8Si tirà a bruscjete pe volte ch’a vevin di funzionâ, i piçui compagn dai grancj, i mestris compagn dai dissepui.

9La prime bruscjete i tocjà a Josef, cui fîs e cui fradis: dodis; la seconde a Ghedalie, cui fîs e cui fradis: dodis; 10la tierce a Zacur, cui fîs e cui fradis: dodis; 11la cuarte a Isri, cui fîs e cui fradis: dodis; 12la cuinte a Natanie, cui fîs e cui fradis: dodis; 13la seste a Bukie, cui fîs e cui fradis: dodis; 14la setime a Jesareele, cui fîs e cui fradis: dodis; 15l’otave a Isaie, cui fîs e cui fradis: dodis; 16la none a Matanie, cui fîs e cui fradis: dodis; 17la decime a Simei, cui fîs e cui fradis: dodis; 18l’undicesime a Azarel, cui fîs e cui fradis: dodis; 19la dodicesime a Casabià, cui fîs e cui fradis: dodis; 20la tredicesime a Subael, cui fîs e cui fradis: dodis; 21la cutuardicesime a Matatie, cui fîs e cui fradis: dodis; 22la cuindicesime a Jeremot, cui fîs e cui fradis: dodis; 23la sedicesime a Ananie, cui fîs e cui fradis: dodis; 24la disesietesime a Josbekase, cui fîs e cui fradis: dodis; 25la disevotesime a Anani, cui fîs e cui fradis: dodis; 26la disenuvesime a Maloti, cui fîs e cui fradis: dodis; 27la vincjesime a Eliate, cui fîs e cui fradis: dodis; 28la vincjeunesime a Cotir, cui fîs e cui fradis: dodis; 29la vincjedoiesime a Ghidalti, cui fîs e cui fradis: dodis; 30la vincjetreesime a Macaziot, cui fîs e cui fradis: dodis; 31la vincjecuatresime a Romamti-Ezer, cui fîs e cui fradis: dodis.