1 CRONACHIS (9)

Letôr: Eda Dal Ponte

La int di Gjerusalem

91Ducj i fîs di Israel a forin segnâts daûr des listis dai lôr vons e marcâts tal libri dai rês di Israel e di Gjude; par vie des lôr colpis a forin depuartâts in Babilonie. 2I prins che si jerin sistemâts tal lôr toc, tes lôr citâts, a jerin fîs di Israel, predis, levits e oblâts.

3In Gjerusalem a jerin a stâ i fîs di Gjude, di Beniamin, di Efraim e di Manasse. 4Fîs di Gjude: Utai, fi di Amiud, fi di Omri, fi di Imri, fi di Bani dai fîs di Peres, fi di Gjude. 5Dai silonits: Asaie il prin e i siei fîs. 6Dai fîs di Zerac: Jeuel e siscent e novante siei fradis.

7Dai fîs di Beniamin: Salu, fi di Mesulam, fi di Odavie, fi di Assenue, 8Ibnie, fi di Jerocam, Ele, fi di Uzi, fi di Micri, e Mesulam, fi di Sefatie, fi di Reuel, fi di Ibnie. 9I lôr fradis, seont lis listis dai vons, a jerin nufcent e cincuantesîs; ducj chescj a jerin sorestants des lôr gjernaziis.

10Dai predis: Jedaie, Joarib, Jachin 11e Azarie, fi di Chelkie, fi di Mesulam, fi di Zadok, fi di Meraiot, fi di Achitub, sorestant dal templi, 12Adaie, fi di Jerocam, fi di Pascur, fi di Malchie, e Maasai, fi di Adiel, fi di Jaczere, fi di Mesulam, fi di Mesilemit, fi di Imer. 13I lôr fradis, sorestants des lôr fameis, a jerin mil sietcent e setante, oms ingegnôs in ogni sorte di vore pal servizi dal templi.

14Dai levits: Semaie, fi di Cassub, fi di Azrikam, fi di Casabià dai fîs di Merari, 15Bakbakar, Cheres, Galal, Matanie, fi di Miche, fi di Zikri, fi di Asaz. 16Abdie, fi di Semaie, fi di Galal, fi di Idutun, e Berechie, fi di Ase, fi di Elkane, ch’al jere a stâ tai borcs dai netofetits.

17Dai puartonîrs: Salum, Akub, Talmon, Achiman e i lôr fradis. Salum al jere il sorestant 18e al sta in dì di vuê a la puarte dal re a soreli jevât. Chescj a jerin i puartonîrs dai campaments dai fîs di Levi: 19Salum, fi di Kore, fi di Ebiasaf, fi di Korac, e i siei fradis, i korachits, de famee di so pari, a stavin daûr a lis funzions; a jerin i vuardeans de jentrade de tende; i lôr paris a tignivin di voli la jentrade dal campament dal Signôr. 20Finees, fi di Eleazar, al jere stât par vieri il lôr sorestant – il Signôr ch’al sedi cun lui! –. 21Zacarie, fi di Meselemie, al vuardeave la puarte de tende de cunvigne. 22Ducj chescj, sielzûts come puartonîrs de jentrade, a jerin in dusinte e dodis; a jerin segnâts tes listis dai vons dai lôr borcs. Ju vevin metûts ta chel puest li, par vie de lôr fedeltât, David e il profete Samuel. 23Lôr e i lôr fîs a vevin di rispuindi des puartis dal templi, vadì te cjase de tende. 24I puartonîrs a jerin in dutis lis cuatri bandis: a jevade, a soreli a mont, a miegegnot e a misdì. 25I lôr fradis, ch’a jerin a stâ tai lôr borcs, ogni tant a vevin di vignî daprûf di lôr par siet dîs. 26Stant ch’a jerin simpri di servizi, chei cuatri sorestants dai puartonîrs – a jerin levits – a tignivin di voli lis cjamaris e i tesaurs dal templi. 27A jerin lozâts ator dal templi, parcè che ur tocjave a lôr di tignîlu di voli e di viergilu ogni dì a buinore. 28Cualchidun di lôr al tignive di voli i furniments pes funzions, che ju contavin cuant che ju puartavin dentri e cuant che ju tornavin a puartâ fûr. 29Altris a controlavin dut il furniment, dute la robe dal santuari, la farine, il vin, il vueli e i bonodôrs. 30Altris, fîs dai predis, a prontavin lis misturis pai bonodôrs.

31Il levit Matatie, prin fi di Salum il korachit, in premi de sô fedeltât al veve l’incariche di prontâ ce che si cueieve tes pignatis. 32Cualchidun dai fîs di Keat, lôr fradis, a vevin di proviodi ogni sabide ai pans de ufierte.

33Chescj a jerin i cantôrs, sorestants des fameis dai levits; dispegnâts di altris compits, a jerin a stâ tes cjamaris dal templi, parcè che a jerin di servizi dì e gnot. 34Chescj a jerin i sorestants des gjernaziis dai fîs di Levi, seont lis listis dai lôr vons; a jerin a stâ in Gjerusalem.

Gnove gjenealogjie di Saul

35In Gabaon a jerin a stâ il pari di Gabaon Jeiel e la sô femine, ch’e veve non Maache. 36Il so prin fi al jere Abdon, podopo Zur, Kis, Baal, Ner, Nadab, 37Ghedor, Achio, Zacarie e Miklot. 38Miklot al à vût Simeam. Ancje lôr a jerin a stâ in Gjerusalem cui fradis, ripet di lôr. 39Ner al à vût Kis; Kis al à vût Saul; Saul al à vût Gjonate, Malchisue, Abinadab e Is-Baal. 40Fi di Gjonate: Merib-Baal; Merib-Baal al à vût Miche. 41Fîs di Miche: Piton, Melek e Tacree. 42Acaz al à vût Jaare; Jaare al à vût Alemet, Azmavet e Zimri; Zimri al à vût Moze. 43Moze al à vût Binee, so fi Refaie, so fi Elease, so fi Azel. 44Azel al à vût sîs fîs, ch’a vevin non Azrikam, Bocru, Ismael, Searie, Adie e Canan; chescj a jerin ducj fîs di Azel.