1 CRONACHIS (7)

Letôr: Norina D'Angelo Bertoli

Dissendents di Issacar

71Fîs di Issacar: Tole, Pue, Jasub, Simron: cuatri. 2Fîs di Tole: Uzi, Refaie, Jeriel, Jacmai, Ibsam, Samuel, sorestants des fameis di Tole, oms di valôr. Tal cens sot di David il lôr numar al jere di vincjedoimil e siscent. 3Fîs di Uzi: Izrachie. Fîs di Izrachie: Micjêl, Abdie, Gjoel… Issie: cinc, ducj sorestants. 4Seont il cens, fat par fameis, a vevin trentesismil oms tes lôr schiriis armadis pe vuere, par vie ch’a vevin un grum di feminis e di fruts. 5I lôr fradis, ducj de gjernazie di Issacar, oms di valôr, tal cens a jerin in dut otantesietmil.

Dissendents di Beniamin

6Fîs di Beniamin: Bele, Beker e Jedaiel: trê. 7Fîs di Bele: Ezbon, Uzi, Uziel, Jerimot, Iri: cinc sorestants des lôr fameis, oms di valôr; ant forin segnâts vincjedoimil e trentecuatri. 8Fîs di Beker: Zemire, Joas, Eliezer, Elioenai, Omri, Jeremot, Abie, Anatot e Alemet; ducj chescj a jerin fîs di Beker. 9Il lôr cens, fat seont lis listis dai lôr vons partint dai sorestants des lôr fameis, al rivà a vincj mil e dusinte oms di valôr. 10Fîs di Jedaiel: Bilan. Fîs di Bilan: Jeus, Beniamin, Eud, Kenaane, Zetan, Tarsis e Achisacar. 11Ducj chescj a jerin fîs di Jedaiel, sorestants des lôr fameis, oms di valôr, in disesietmil e dusinte di lôr, pronts par lâ in vuere e par combati.

Dissendents di Dan, Neftali e Manasse

12Supim e Cupim a jerin fîs di Ir; Cusim al jere fi di Acher.

13Fîs di Neftali: Jacaziel, Guni, Jezer e Salum, fîs di Bile.

14Fîs di Manasse: Asriel…, chei che i veve parturîts la sô concubine aramee: Machir, pari di Galaad. 15Machir al cjolè une femine par Cupim e Supim; sô sûr e veve non Maache. Il secont fi al veve non Zelofcad; Zelofcad al veve fiis. 16Maache, femine di Machir, e parturì un fi che i metè non Peres, biel che so fradi al veve non Seres; siei fîs a jerin Ulam e Rekem. 17Fîs di Ulam: Bedan. Chescj a jerin i fîs di Galaad, fi di Machir, fi di Manasse. 18Sô sûr Amoleket e parturì Iseod, Abiezer e Macle. 19Fîs di Semide a jerin Achian, Seken, Likchi e Aniam.

Dissendents di Efraim

20Fîs di Efraim: Sutelac, so fi Bered, so fi Tacat, so fi Eleade, so fi Tacat, 21so fi Zabad, siei fîs Sutelac, Ezer e Elead, copâts dai oms di Gat, int nassude in chê tiere, parcè che a jerin lâts jù a strafuî nemâi. 22Lôr pari Efraim ju vaì par une vore di dîs e i siei fradis a vignirin a dâi confuart. 23Podopo al lè cu la femine, ch’e cjapà sù e e parturì un fi che il pari i metè non Berie, parcè che al jere nassût cuant che e jere la disgracie in cjase. 24Fie di Efraim e jere Seere, ch’e fasè sù Bet-Coron disot e disore e Uzen-Seere. 25So fi al jere ancje Refac, so fi Resef, so fi Telac, so fi Tacan, 26so fi Laadan, so fi Amiud, so fi Elisamà, 27so fi Nun, so fi Gjosuè. 28Si jerin sistemâts e a jerin parons di Betel e dulintor, a soreli jevât di Naaran, a soreli a mont di Ghezer e dulintor, di Sichem e dulintor fint a Aie e dulintor. 29A jerin dai fîs di Manasse: Beisan e dulintor, Taanac e dulintor, Dor e dulintor. In chescj lûcs a jerin a stâ i fîs di Josef, fi di Israel.

Dissendents di Aser

30Fîs di Aser: Imne, Isve, Isvi, Berie e Serac lôr sûr. 31Fîs di Berie: Cheber e Malchiel, pari di Birzait. 32Cheber al à vût Jaflet, Semer, Cotam e Sue, lôr sûr. 33Fîs di Jaflet: Pasac, Bimeal e Asvat; chescj a jerin i fîs di Jaflet. 34Fîs di so fradi Semer: Roghe, Cube e Aram. 35Fîs di so fradi Chelem: Zofac, Imne, Seles e Amal. 36Fîs di Zofac: Suc, Carnefer, Sual, Beri, Imre, 37Bezer, Od, Same, Silse, Itran e Beere. 38Fîs di Jeter: Jefune, Pispe e Are. 39Fîs di Ule: Arac, Caniel e Rizie. 40Chescj a jerin ducj fîs di Aser, sorestants di fameis, oms di prime e di valôr, sorestants tra i prins. Tal lôr cens, fat daûr de lôr virtût in vuere, ant saltarin fûr vincjesismil.