GJOSUÈ (15)

Letôr: Gianni Versolato

La tribù di Gjude

151A la tribù dai fîs di Gjude, daûr des lôr fameis, i tocjà la part de bande dai confins di Edom, dal desert di Sin a misdì fint a Kades, par disot. 2Il lôr confin, par disot, al tacave de estremitât dal mâr Salât, dal ricès che al cjale par in jù, 3al girave disot de mont dai Scarpions, passant par Sin, e al rivave fint disot di Kades-Barnee; passant par Chezron al leve sù a Adar e al voltave de bande di Karke; 4po il confin al passave par Asmon e al saltave fûr tal riul dal Egjit e al rivave fint al mâr. Chest al sarà il vuestri confin a misdì. 5A jevade il confin al jere il mâr Salât finamai a la fôt dal Gjordan. 6Daspò il confin al leve sù a Bet-Olghe, al passave disore di Bet-Arabe e al rivave fint al clapon di Bocan, fi di Ruben. 7Podopo il confin al leve sù a Debir, tacant de valade di Acor, e al voltave par disore de bande dal cercli di claps che al è in face de rive di Adumin, disot dal riul. Il confin al passave pes aghis di En-Semes e al rivave fint a En-Roghel. 8Po al tornave sù pal foran di Ben-Inom passant disot ad ôr dal gjebuseu – vadì Gjerusalem –, al rivave su la spice de mont ch’e siere il foran di Inom de bande dal amont, là ch’e finìs, adalt, la taviele dai refaims. 9De spice de mont il confin al pleave de bande de risultive des aghis di Neftoac e po al leve fin tes citâts de mont di Efron par voltâ in direzion di Baale, vadì Kiriat-Jearim. 10Di Baale, il confin al pleave a mont de bande di Seir e, passant ad ôr de mont di Jearim adalt – vadì Chesalon – al voltave jù a Bet-Senes, al passave par Timne, 11al rivave fin su la cueste di Ekron par disore, al girave de bande di Sicaron e al passave pe mont di Baale par rivâ a Jabneel. Il confin al finive cul mâr. 12Il confin a mont al jere il Grant mâr. Chest confin, dilunc fûr, al jere chel dai fîs di Gjude daûr des lôr fameis.

La part di Caleb e di Otniel

13A Caleb, fi di Jefune, i derin une part framieç dai fîs di Gjude, come che il Signôr i veve ordenât a Gjosuè: Kiriat-Arbe, la citât dal pari di Anak, ven a stâi Ebron. 14Caleb al parà vie i trê fîs di Anak: Sesai, Achiman e Talmai, de riunde di Anak. 15Di là al marçà cuintri de int di Debir; Debir une volte e veve non Kiriat-Sefer. 16Dissal alore Caleb: “Chel che al batarà Kiriat-Sefer e le cjaparà, al podarà cjoli mê fie Acse”. 17Chel che le cjapà al fo Otniel, fi di Kenaz, fradi di Caleb, che i dè sô fie Acse. 18Cuant che la femine e rivà li dal so om, lui le sburtà a domandâi a so pari ancje un cjamp. Alore jê e dismontà jù dal mus e Caleb i domandà: “Ce vûstu?”. 19I rispuindè: “Fasimi une gracie! Za che tu mi âs condanade te tiere dal Negheb, dami almancul cualchi risultive di aghe”. Alore lui i dè lis risultivis, adalt e abàs. 20Cheste e fo la ereditât de tribù dai fîs di Gjude, daûr des lôr fameis.

Citâts di Gjude

21Citâts tal cjanton de tribù dai fîs di Gjude, de bande dal confin di Edom cul Negheb: Kabseel, 22Kine, Dimon. Aroer, 23Kedes, Cazor-Itnan, 24Zif, Telem, Bealot, 25Cazor-Adate, Keriot-Chezon, ven a stâi Cazor, 26Amam, Seme, Molade, 27Cazar-Gade, Esmon, Bet-Pelet, 28Cazar-Sual, Bersabee e i borcs dulintor, 29Baale, Jim, 30Eltolad, Chesil, Corme, 31Ziklag, Madmane, Sansane, 32Lebaot, Silchim, En-Rimon: in dut vincjenûf citâts cui lôr borcs.

33Te Sefele: Estoal, Soree, Asne, 34Zanoac, En-Ganim, Tapuac, Enam, 35Jarmut, Adulam, Soco, Azeke, 36Saaraim, Aditaim, Ghedere e Ghederotaim: cutuardis citâts cui lôr borcs. 37Senan, Cadase, Migdal-Gad, 38Dilean, Mizpe, Jokteel, 39Lachis, Boskat, Eglon, 40Cabon, Lacmas, Chitlis, 41Ghederot, Bet-Dagon, Naame e Makede: sedis citâts cui lôr borcs. 42Libne, Eter, Asan, 43Itfac, Asne, Nesib, 44Keile, Aczib e Marese: nûf citâts cui lôr borcs. 45Ekron cui paîs dulintor e cui borcs. 46Di Ekron fint al mâr dut ce che al è de bande di Absod cui siei borcs. 47Asdod cui paîs dulintor e cui siei borcs, Gaze cui paîs dulintor e cui siei borcs fint al riul dal Egjit, cul Grant mâr di confin.

48Su la mont: Samir, Jatir, Soco, 49Dane, Kiriat-Sane, ven a stâi Debir, 50Anab, Astemoe, Anim, 51Gosen, Olo e Ghilo: undis citâts cui lôr borcs. 52Arab, Dume, Esean, 53Janum, Bet-Tapuac, Afeke, 54Umte, Kiriat-Arbe, ven a stâi Ebron, e Sior: nûf citâts cui lôr borcs. 55Maon, Carmel, Zif, Jute, 56Izreel, Jokdeam, Zanoac, 57Kain, Ghibee e Timne: dîs citâts cui lôr borcs. 58Calcul, Bet-Sur, Ghedor, 59Maarat, Bet-Anot e Eltekon: sîs citâts cui lôr borcs. Tekoe, Efrate, ven a stâi Betlem, Peor, Etam, Culon, Tatam, Sore, Carem, Galim, Beter e Manak: undis citâts cui lôr borcs. 60Kiriat-Baal, ven a stâi Kiriat-Jearim, e Rabe: dôs citâts cui lôr borcs.

61Tal desert: Bet-Arabe, Midnin, Secache, 62Nibsan, la citât dal sâl e Engadi: sîs citâts cui lôr borcs.

63Rivuart ai gjebuseus, che a jerin a stâ a Gjerusalem, i fîs di Gjude no rivarin a sumiergiju; par chel i gjebuseus a son ancjemò a stâ a Gjerusalem, framieç dai fîs di Gjude.